Вітаем вас, сябры, з нашым першым вясновым выпускам рубрыкі "Пра святы праз экспанаты", прысвечанага галоўнаму святу ўсіх жанчын -
8 сакавіка. Адным з самых распаўсюджаных падарункаў жанчынам з'яўляюцца духі...
Савецкія часы даўно скончыліся, але настальгія па іх многіх не пакідае , асабліва людзей, дзяцінства і маладосць якіх прайшлі ў СССР. Мы ўзгадваем фільмы, дваровыя гульні, першамайскія дэманстрацыі. Выявы з дзяцінства навейваюць і пахі. Сярод іх - пах савецкіх духоў, якімі па асаблівых выпадках вельмі беражліва карысталіся нашы мамы ці бабулі.
Парфумерыя - тая творчасць, дзе галоўны вынік па вызначэнні павінен пакінуць нас назаўжды, пакінуўшы на памяць толькі ўпакоўку. Спадчына мастака - карціны, скульптара - скульптуры, кампазітара - партытуры. І нават "рукапісы не гараць". Тут жа водар здзейсніў сваё чараўніцтва і знік.
«Адзенне» савецкай парфумерыі часцяком не саступала імпартнай. У якія мудрагелістыя флаконы разлівалі парфуму: круглыя, прастакутныя, складанай формы, нават у выглядзе розных вядомых гістарычных пабудоў, аўтамабіляў... І ў якія арыгінальныя скрынкі пакавалі, як выдатна аформленыя…
Многія парфумерныя флакончыкі, выпушчаныя 30-40 гадоў таму, і да гэтага часу захоўваюць водары мінулага. Для знатакоў дадзеныя водары становяцца прадметам калекцыянавання.
«Духі апавяшчаюць пра з'яўленне жанчыны і працягваюць нагадваць пра яе, калі яна сышла», - сказала неяк Како Шанэль. Духі заўсёды былі тым нябачным аксэсуарам, які дадаваў жанчынам шарму.
