Сябры, запрашаем вас на нашу віртуальную міні-выставу, прысвечаную Міжнароднаму дню аховы помнікаў, які адзначаецца 18 красавіка.
На тэрыторыі Клецкага раёна размешчана 30 аб'ектаў, унесеных у Дзяржаўны спіс гісторыка-культурных каштоўнасцей Рэспублікі Беларусь. Адзін з іх «Былы сядзібна-паркавы комплекс у вёсцы Лецяшын», які мае трэцюю катэгорыю каштоўнасці.
Лецяшы́н - вёска ў Клецкім раёне Мінскай вобласці, вядомая з XVIII стагоддзя. Уваходзіць у склад Красназвёздаўскага сельсавета. Знаходзіцца ў 13 км ад Клецка.
Сядзіба Нісялоўскіх у 1788г. стала ўласнасцю ротмістра віцебскага Францішка Ксаверыя Чарноцкага. З таго часу і да 1939г. маёнткам валодаў род Чарноцкіх.
Сядзіба Чарноцкіх — помнік архітэктуры канца XIX — пачатку XX стст. (на жаль, не захавалася да нашага часу).